Kåre Johannessen (1918 - 1968)

Nokre veker etter at Nordkyn kom til Buckie i Skottland reiste Kåre til London og gjekk inn i handelsflåten. Han mønstra etter dette på fleire båtar som gjekk i konvoi over Atlanteren og nedover til Sør-Amerika. I desember 1941 var han ombord på M/S Tijuca. Ved avgang frå England gjekk den på ei mine, men båten klarte å ta seg inn til havn i Barry i Wales for reparasjoner.

Mannskapet mønstra deretter på andre båtar, og Kåre heldt fram i i handelsflåten til hausten 1942. Han var deretter ei stund på bergingsbåt i farvatnet rundt Island.

Seint på hausten 1942 verva Kåre seg til Den norske marine, og vart sent til opplæring på treningssenteret i Skegness. Deretter vart det til basen på Shetland og teneste på MTB.

Kåre gjennomførte omlag 25 operasjonstokt på norskekysten, under landgangen i Normandie og på patrulje i den engelske kanal.

I registeret for krigsseglarar står han oppført med 11 mønstringar. Både i handelsflåten og i marinen fungerte han som kokk.